A Concellaría de Novas Tecnoloxías do Concello de Cambados que dirixe o edil de Somos Cambados, Xurxo Charlín,  establece unha consulta sobre as zonas que non dispoñen de Fibra Óptica, denominadas zonas brancas e grises, para que a traves dos fondos do Plan de Recuperación, Transformación e Resiliencia se poidan incluir como zonas de potenciais actuación e recepción de axudas dentro do Plan para a Conectividade e as Infraestruturas dixitais

O Goberno publicou unha consulta pública sobre a listaxe preliminar de zonas brancas e grises, elaborada a partir da información dispoñible de cobertura de redes de banda ancha de nova xeración facilitada polos operadores. O obxectivo da consulta é obter a listaxe definitiva, que será a base para determinar as zonas potenciais de actuación e recepción de axudas dentro do Plan para a Conectividade e as Infraestruturas dixitais, cunha dotación de 2.320 millóns de euros, cuxas medidas se integran no Plan de Recuperación, Transformación e Resiliencia

A Secretaría de Estado de Telecomunicacións e Infraestruturas Dixitais somete a consulta de todas as partes interesadas (operadores, administracións públicas, Comisión Nacional dos Mercados e a Competencia e outros axentes) a relación preliminar de zonas brancas e grises NGA, elaborada a partir da información dispoñible de cobertura de redes de banda ancha de nova xeración (redes NGA).

O obxectivo da consulta é consolidar esta identificación preliminar para obter a relación definitiva de zonas brancas NGA e de zonas grises NGA, nas que, de acordo coa normativa de axudas de Estado, é posible conceder axudas públicas ao longo do próximo ano para a realización de proxectos de extensión da cobertura de redes NGA nas devanditas zonas. Para facilitar a localización e a análise das zonas,  a Concellaría de Novas Tecnoloxías do Concello de Cambados que dirixe o edil de Somos Cambados, Xurxo Charlín,  ven de poñer a disposición da veciñanza no portal de transparencia un formulario de contacto para que aqueles veciños que non dispoñan de conexión a internet de alta velocidade poidan solicitalo a través do mesmo, e que a Concellaría de Novas Tecnoloxías solicite posteriormente, a inclusión desa zona neste programa. A consulta pública estará aberta ata o 29 de maio de 2021.

165 zonas brancas incluídas en Cambados que afectan a 738 vivendas

A Secretaría de Estado de Telecomunicacións e Infraestruturas Dixitais introduciu diversas melloras metodolóxicas no proceso, evolucionando da identificación baseada en Entidades Singulares de Poboación á baseada en parcelas catastrais. As zonas identificáronse a partir da cobertura xeorreferenciada facilitada por máis de 250 operadores, dando lugar a un mapa de zonas elixibles moito máis detallado.

Así o Concello de Cambados xa ten incluídas na listaxe preliminar un total de 165 zonas brancas que corresponden a un total de 738 vivendas que xa están incluídas neste programa e que a veciñanza pode consultar a través dun visor cartográfico dispoñible no propio Portal de Transparencia do Concello de Cambados.

Gracias a estes programas noutros anos, o Concello de Cambados pasou de ter un rango de cobertura inferior a 30 Mpps entre un 30-40% dos fogares de Cambados en 2017, a dispoñer en 2019 dun 62% de cobertura superior a 100 Mbps, e que segundo as previsións da Secretaría de Estado de Telecomunicacións e Infraestruturas Dixitais, a finais de 2021, cos plans que están en execución, vaise superar o 75% da poboación de Cambados con unha conexión a Internet de alta velocidade.

Listaxe preliminar de zonas brancas e grises, elaborada a partir da información dispoñible de cobertura de redes de banda ancha de nova xeración facilitada polos operadores