APROBACIÓN INICIAL ORZAMENTO 2021

O Pleno do Concello, en sesión celebrada o pasado 08 de abril de 2021 rexeitou a cuestión de confianza vinculada á aprobación do orzamento xeral deste Concello xunto coas súas Bases de Execución, e cadro de persoal para o exercicio 2021.

De acordo co artigo 197 bis, parágrafo cinco da Lei orgánica 5/1985 do 19 de xuño de réxime electoral xeral, unha vez transcorrido o prazo dun mes sen que se presentase moción de censura con candidato/a alternativo/a a alcalde/alcaldesa, entendese outorgada a confianza e aprobado o proxecto de orzamento e cadro de persoal para o exercicio 2021.

Pola presente, e con arranxo ao previsto no artigo 169 do Texto Refundido da lei Reguladora de Facendas Locais aprobado por Real Decreto Lexislativo 2/2004, de 5 de marzo, expóñense ao público no departamento de intervención deste Concello por prazo de quince días a contar desde o seguinte á publicación deste anuncio no Boletín Oficial da Provincia, durante os cales os interesados poderán examinalos e presentar reclamacións ante o Pleno.

O orzamento considerarase definitivamente aprobado se durante o citado prazo non se houbesen presentado reclamacións; en caso contrario, o Pleno dispoñerá de prazo dun mes para resolvelas.

Cambados.