CONVOCATORIA PÚBLICA DE SUBVENCIÓNS MUNICIPAIS A ENTIDADES
SEN FINS DE LUCRO PARA O ANO 2020
BDNS(Identif.):526470
De acordo co disposto nos artigos 17.3.b e 20.8.a da Lei 38/2003, do 17 de novembro, xeral de subvencións, publícase o extracto da convocatoria, cuxo texto completo se pode atopar na Base de Datos Nacional de Subvencións (https://www.infosubvenciones.es/bdnstrans/GE/es/convocatoria/526470)
Primeiro. Beneficiarios
Poderán solicitar estas subvencións as entidades sen fins de lucro e cumpran os requisitos fixados nas Bases da convocatoria.
Segundo. Obxecto
A finalidade desta convocatoria é promover, fomentar e apoiar as asociacións, entidades e clubs deportivos na realización de actividades culturais, deportivas, asociativas, sociais, asistencias e educativas durante o ano 2020.
Terceiro. Bases reguladoras
Ordenanza Xeral de Subvencións do Concello de Cambados, aprobada polo Pleno en sesión celebrada o 28 de outubro de 2004 e publicada no BOPPO nº 217 do 10 de novembro de 2004.
Cuarto. Contía da axuda
As contías previstas no Orzamento Municipal 2019 para esta convocatoria de subvencións e que representan o máximo de obrigacións que se poden adquirir, son as consignadas nas seguintes aplicacións orzamentarias:
2310.48900 |
Transf. a entidades benéfico-asistenciais |
27.000,00 € |
3260.48900 |
Transf. para actividades complementarias de educación |
5.100,00 € |
3340.48900 |
Transf. a entidades culturais |
6.200,00 € |
3370.48900 |
Transf. ocio e tempo libre |
6.700,00 € |
3380.48900 |
Transf. festas populares |
3.000,00 € |
3410.48900 |
Transf. a entidades deportivas |
72.000,00 € |
Quinto. Prazo de presentación de solicitudes
As entidades interesadas poderán solicitar as subvencións no prazo de quince días naturais, contados a partir do día seguinte da publicación do extracto da convocatoria no BOPPO na forma e termos previstos na Lei 38/2003, do 17 de novembro, Xeneral de Subvencións, en relación coa Base de Datos Nacional de Subvencións.
Sexto. Outros datos
As solicitudes de subvención presentaranse segundo os formularios que figuran nas Bases da convocatoria.
BASES CONVOCATORIA SUBVENCIÓNS ENTIDADES SEN FINS DE LUCRO 2020