BANDO DA ALCALDÍA
RECOMENDACIÓN E ADVERTENCIA DE NON CELEBRAR FESTAS
PRIVADAS NAS DATAS PREVISTAS PARA A CELEBRACIÓN
DA FESTA DO ALBARIÑO
(29-30-31 DE XULLO E 1-2 DE AGOSTO)
A Alcaldesa do Concello de Cambados Fátima Abal Roma
DISPOÑO
Como prevención dos brotes de Covid-19, o Concello anuncia que vanse controlar os espazos públicos, (prazas, xardíns, etc) para evitar que se incumplan as normativas de seguridade anti-contaxio do covid-19. Debemos evitar aglomeracións de persoas para previr o contaxio, garantir a seguridade da cidadanía e evitar a propagación do virus.
DENDE O CONCELLO RECOMENDÁMOSLLE:
A todas as persoas propietarias de fincas e locais privados que eviten facer ningunha festa nin banquete durante esas datas, que pensen na gran responsabilidade na que se poden ver implicados se hai un brote de coronavirus, que lembren que a ocupación da vía pública está totalmente prohibida, agás os locais de hostalería con licencia municipal cumprindo as normas de aforo.
A toda a hostalería local, que teñan en conta que nos seus locais e terrazas o/a empresario/a, non a clientela, é responsable de que se cumplan as normas, e que tanto a Garda Civil como a Policía Local van inspeccionar e sancionar a todos aqueles locais que non cumpran os aforos.
Polo ben de toda a cidadanía, cumpramos as recomendacións sanitarias na nova normalidade, atendendo ao uso obrigatorio das mascarillas, á distancia social en espazos pechados e ao aire libre, e á desinfección frecuente de mans.
Cambados, 20 de Xullo de 2020